David Ogilvy

“Ogilvy & Mather” və “Ogilvy PR” reklam agentliklərinin qurucusu, əfsanəvi şotland reklamçıdır.

1962-ci ildə Amerikanın “Time” jurnalı David Ogilvy-ni “müasir reklam sənayesində ən məşhur sehrbaz” adlandırmışdı. Bir çoxları onu “reklam dahisi” adlandırırdılar. Dove‘u bu gün dünyanın ən tanınmış sabunu edən və brend olaraq formalaşdıran şəxs olaraq tanınır.

Çalışdığı bir çox şirkəti dünya üzrə məşhurlaşdıran Ogilvy-nin sözləri müasir reklamçılığa istiqamət vermişdir: "Onlar reklam edib brendlərini gücləndirməkdənsə, ucuz sataraq satışın həcmini artırmağı üstün tuturlar. Hətta səfeh bir insan da məhsulun qiymətini aşağı sala bilər, ancaq brend yaratmaq beyin və stabillik tələb edir." David Ogilvy Parisdə aşçılıq, müharibə zamanı agentlik, müharibədən sonra fermer və satış təmsilçisi kimi bir sıra işlərlə məşğul olsa da, ən sonda reklam sahəsində daha uğurlu olduğunun fərqinə varmışdır.

Aşçı olaraq çalışdığı müddətdə Müsyo Pitarddan çox çalışmaq, komanda işi, liderlik, mükəmməliyyətçilik kimi mövzularda ilham almışdır. 1935-ci ildə böyük qardaşının işlədiyi “Mather & Crowther” reklam agentliyində həftəlik 9 dollar məvacib qarşılığında təcrübəçi olaraq işləməyə başlayan Ogilvy burada çalışqanlığı və qabiliyyətləri ilə diqqət çəkmiş, 3 il sonra müştəri təmsilçisi olmuş və agentlik tərəfindən Amerikaya göndərilmişdir. 38 yaşı olan zaman David Ogilvy 6000 dollarlıq sərmayəsi, qardaşının verdiyi borc və təcrübəçi olaraq çalışmağa başladığı reklam agentliyi “Mather & Crowther”ın Mather’ını verməsi ilə 1948-ci ildə öz agentliyini (Hewitt, Ogilvy, Benson & Mather) qura bilmişdir. Son olaraq onun bu fikirlərinin hər qurumda diqqətə alınması gərəkən sözlər olduğunu və bizim də

“YelloAd” olaraq təməl prinsiplərimiz arasında yer aldığını deyə bilərik:

“Yeni bir müştəri qazanmağın yaxşı yolu, indiki müştəriləriniz üçün gələcəkdəki müştərilərinizi cəlb edəcək maraqlı reklamlar hazırlamaqdır.”